Akyat-bahay, dedo sa engkuwentro
MANILA, Philippines — Dead-on-the-spot ang isang itinuturong miyembro ng ‘Akyat-bahay gang’ nang makipagbarilan sa mga otoridad sa ikinasang follow-up operation sa Brgy. Malanday, Marikina City kahapon ng madaling araw.
Ang napatay na suspek ay si Jambeel Dasmariñas, alyas “Makmak”, na sinasabing isang notoryus na magnanakaw sa area ng Marikina at mga kalapit na lugar sa Rizal.
Sa ulat ng Marikina Police, napatay ang suspek dakong alas-3:10 ng madaling araw sa creekside, Libis Bulelak St., corner Narra St, Brgy. Malanday, Marikina.
Bago ito ay nakatanggap ng tawag ang mga tauhan ng Marikina City Police Station Tactical Operation Center kaugnay sa kahina-hinalang kilos ni Makmak na paikut-ikot sa isang bahay sa lugar na kanyang target na pasukin at pagnakawan.
Dito ay agad na rumesponde ang mga otoridad kung saan nagkaroon ng habulan at palitan ng putok ang mga pulis at suspek hanggang sa makorner ang suspek pero sa halip na sumuko ay pinilit pa ring manlaban na nagresulta ng kanyang kamatayan.
Nabawi ng pulisya mula sa napatay na suspek ang isang kalibre .38 baril at mga bala.
- Latest
