Dayo inutas sa Tondo
MANILA, Philippines – Utas ang isang hindi pa kilalang lalaki na dayo lamang umano sa lugar nang pagbabarilin sa Tondo, Maynila, kamakalawa ng gabi.
Patay na nang madiskubre ng mga residente ng Brgy.127 ang biktimang inilarawan sa edad 30-35, nasa 5’6-5’7 ang taas, nakasuot ng kulay itim na jacket at itim na pantalon.
Sa ulat ni P/Master Sergeant Marlon San Pedro ng Manila Police District-Homicide Section, dakong alas -10:45 ng gabi nang makarinig ng mga putok ng baril ang ilang residente at nang usisain ay nakitang nakahandusay ang biktima sa panulukan ng Escoda at General Lim Sts., sa Tondo.
Patuloy pang nangangalap ng saksi at ebidensiya ang mga awtoridad na makapagtuturo sa responsable sa krimen.
Hinihinalang may kinalaman din sa iligal na droga ang krimen.
- Latest