American national huli sa marijuana sa NAIA
MANILA, Philippines — Isang 30-anyos na American national ang hinuli ng mga awtoridad sa Ninoy Aquino International Airport (NAIA) Terminal 2 habang nag-aantay ng flight nito papuntang Singapore, kamakalawa ng umaga.
Ang suspek na si Geoffrey Wai Hin Tsui, isang transit passenger galing Los Angeles California, USA, ay inaresto ng mga operatiba ng NAIA Inter-Agency Drug Interdiction Task Group (IADITG) ng PDEA RO-NCR, sa departure area sa may transfer screening checkpoint ng paliparan.
Nakumpiska sa suspek ang isang pirasong pinatuyong dahon ng marijuana na nakasiksik sa kaha ng sigarilyo nito na nakita sa kanyang mga personal na kagamitan.
Sasampahan ng kasong kriminal si Tsui dahil sa paglabag sa Section 5 ng Article II ng Republic Act 9165 o “The Comprehensive Dangerous Drugs Act of 2002.
- Latest