Wanted na dayuhan, arestado

MANILA, Philippines — Timbog sa mga awtoridad ang isang Indian -Singaporean national na matagal ng wanted sa kasong large scale illegal recruitment at 28 counts ng estafa sa Quezon City kahapon ng tanghali.

Kinilala ang suspek na si Arvindt Arasu, 29 na residente ng Block 10 Lot 20 Guyabano St., Brgy. 170 Deparo 2, Caloocan City.

Ayon kay QCPD District Mobile Force Battalion (DMFB) P/Lt.Col  Rodrigo Bauto Jr, ang suspek ay inaresto dakong alas-12:25 ng tanghali sa Novaliches, Quezon City.

Dinakip ang dayuhan sa bisa ng warrant of arrest na inisyu ni Judge Marie Claire Victoria, Mabutas-Sardon ng Antipolo RTC branch 97 dahil sa kasong  large scale illegal recruitment at estafa.

Walang piyansang inirekomenda ang korte para sa pansamantalang kalayaan ng dayuhan.

Nakakulong ngayon ang suspek sa Criminal Investigation and Detection Unit (CIDU) habang hinihintay ang commitment order ng hukuman.