Higit 500 kilo ng ‘botcha’ nakumpiska sa Divisoria

MANILA, Philippines – Muling nakakumpiska ang mga awtoridad ng mahigit 532 kilo ng ‘hot meat’ o botcha sa Divisoria, Maynila.

Ayon sa Manila Veterinary Inspection Board, nasabat ang mga ‘botcha’ sa ikinasang surprise inspection sa Elcano Street. Umaabot sa P80,000 ang halaga ng mga nakum­piskang ‘hot meat’.

Kinatay ang nasabing mga karne sa hindi accredited na meat establishments.

Dahil dito, posibleng hindi ito ligtas bilhin at kainin.

Kasabay nito, nanawagan si Manila Mayor Isko Moreno sa publiko na maging mapanuri sa kanilang binibili.

Patuloy din ang apela ng alkalde sa publiko na ituloy lang ang pagre-report ng mga ganitong uri ng ilegal na gawain.