Sanhi ng food poisoning sa birthday ni Imelda, ‘di pa tukoy
MANILA, Philippines — Hinihintay pa ang resulta ng pagsusuri sa mga pagkaing inihain sa kaarawan ni dating Unang Ginang Imelda Marcos noong Hulyo 3 sa Pasig City, upang matukoy kung ano ang sanhi ng pagkalason ng nasa 261 bisita, ayon sa Department of Health (DOH).
Sinabi ni Health Secretary Francisco Duque III na hinihintay pa nila ang magiging resulta ng imbestigasyon upang matiyak kung sino ang may pananagutan.
“Hihintayin muna natin ang resulta ng magiging imbestigasyon. Mahirap naman kung maniwala tayo agad sa mga sabi-sabi lamang,” anang kalihim.
Sa tinatayang aabot sa 2,500 na bisita sa ginanap na selebrasyon sa ika-90 kaarawan ng dating Unang Ginang, umabot sa 261 ang naiulat na sumakit ang tiyan, nagsuka, nahilo kaya isinugod sa iba’t ibang ospital.
Nabatid na ang nakain ng mga bisita ay packed lunch na naglalaman ng kanin at adobong manok na may halong itlog. May ipinamigay ding tubig kaya’t ang mga ito ang inaalam kung alin ang naging dahilan.
Una nang pinaghinalaan na ang malasadong itlog ang naging dahilan ng food poisoning dahil sa anumang lamat o basag sa shell ng itlog ay maaring pasukin ng iba’t ibang uri ng mikrobyo na hindi namamatay kapag hindi sapat ang init gaya ng malasadong pagkakaluto.
Sanhi ng food poisoning sa birthday ni Imelda, ‘di pa tukoy
Ludy Bermudo
MANILA, Philippines — Hinihintay pa ang resulta ng pagsusuri sa mga pagkaing inihain sa kaarawan ni dating Unang Ginang Imelda Marcos noong Hulyo 3 sa Pasig City, upang matukoy kung ano ang sanhi ng pagkalason ng nasa 261 bisita, ayon sa Department of Health (DOH).
Sinabi ni Health Secretary Francisco Duque III na hinihintay pa nila ang magiging resulta ng imbestigasyon upang matiyak kung sino ang may pananagutan.
“Hihintayin muna natin ang resulta ng magiging imbestigasyon. Mahirap naman kung maniwala tayo agad sa mga sabi-sabi lamang,” anang kalihim.
Sa tinatayang aabot sa 2,500 na bisita sa ginanap na selebrasyon sa ika-90 kaarawan ng dating Unang Ginang, umabot sa 261 ang naiulat na sumakit ang tiyan, nagsuka, nahilo kaya isinugod sa iba’t ibang ospital.
Nabatid na ang nakain ng mga bisita ay packed lunch na naglalaman ng kanin at adobong manok na may halong itlog. May ipinamigay ding tubig kaya’t ang mga ito ang inaalam kung alin ang naging dahilan.
Una nang pinaghinalaan na ang malasadong itlog ang naging dahilan ng food poisoning dahil sa anumang lamat o basag sa shell ng itlog ay maaring pasukin ng iba’t ibang uri ng mikrobyo na hindi namamatay kapag hindi sapat ang init gaya ng malasadong pagkakaluto.
- Latest