Rider nabundol ng trak, todas
MANILA, Philippines — Agad na nasawi ang isang motorcycle rider makaraang mabundol at masagasaan pa ng isang dump truck habang binabagtas ang kahabaan ng MacArthur Highway sa Valenzuela City kamakalawa ng gabi.
Nakilala ang nasawi na si John Paul Diolola, 24-anyos, may-asawa, merchandizer, at nakatira sa No. 244 Data Street, Brgy. Paso de Blas ng naturang lungsod.
Sa ulat ng Valenzuela City Police, naganap ang insidente dakong alas-10:30 ng gabi sa kahabaan ng MacArthur Highway sa tapat ng Fatima Hospital sa Brgy. Marulas.
Sakay ng isang Sym brand motorcycle (BA 80393) ang biktima na binabagtas ang northbound lane ng nabanggit na kalsada nang mabundol siya ng isang dump truck na may MV File No. 1301-00000638786.
Nang malaglag sa motorsiklo, pumailalim sa trak ang biktima at nagulungan pa ng rak na dahilan ng matinding pinsala bg kanyang katawan.
Agad na tumakas ang hindi nakilalang tsuper sakay ng kanyang trak habang sinaklolohan ng mga kapwa motorcycle rider ang biktima na isinugod sa pagamutan ngunit idineklarang “dead on arrival”.
- Latest
