Fil-Chinese timbog sa P8.5-M party drugs
Sa hotel sa Bonifacio Global City
MANILA, Philippines — Nasa P8.5 milyong halaga ng droga ang nakumpiska mula sa nadakip na Filipino-Chinese trader sa isinagawang drug operation sa isang five star hotel sa Bonifacio Global City (BGC) sa Taguig City.
Kinilala ang suspect na si Domingo Tanyao Uy Jr., ng Balete Drive, Andres North Condominium 2803, Quezon City.
Ayon sa report, ala-1:00 kahapon ng madaling araw nang madakip ang suspect sa isang five star hotel sa BGC.
Ito ay bunsod nang tawag sa telepono ng security personnel ng hotel na natanggap ng pulisya hinggil sa kahinala-hinala at iligal na gawain ng nabanggit na suspect.
Kaagad na nagkasa ng anti-illegal drugs operation ang Taguig City Police at PDEA-NCR.
Nakumpiska mula sa suspect ang milyung hala-ga ng party drugs.
Bukod sa mga droga, natuklasan din ng mga awtoridad ang mga tseke na ibinayad sa suspect na nagkakahalaga ng P175 million.
Sinabi ni Police Major Joseph Austria, ng BGC Police Precinct, hihingin nila ang tulong ng Anti Money Laundering Council (AMLAC) upang madetermina ang mga tseke na nakuha sa pag-iingat ng suspect.
Ayon naman kay General Eleazar, tinawag na “lucky break” ang insidente, dahil wala aniya sa radar ng NCRPO ang suspect na si Uy.
- Latest