Mister, tinodas dahil sa agawan sa higaan
MANILA, Philippines — Patay ang isang mister na nangangalakal ng basura matapos siyang pagsasaksakin ng kasamahan dahil lamang sa agawan sa higaan na naganap sa ilalim ng Kamuning Flyover sa Quezon City, kahapon ng madaling araw.
Nakilala ang nasawi na si Danny Abalos, 34, habang ang suspek na mabilis na tumakas matapos ang krimen pero nadakip din sa isinagawang follow-up operation ay nakilalang si Baltazar Patdi, 62, isa ring scavenger.
Dakong alas-3:45 ng madaling araw ng maganap ang insidente sa ilalim ng Kamuning Flyover, Brgy. Sacred Heart, Quezon City. Sa imbestigasyon ng pulisya, nabatid na nagalit si Baltazar dahil inagawan siya ng puwesto ng higaan ng biktima at misis nito kaya noong makatulog ang mga ito ay sinugod sila ng suspek.
- Latest