Bebot na dayo, itinumba sa Baseco
MANILA, Philippines — Isang babae na pinaniniwalaang dayo sa lugar ang binaril ng dalawang beses sa ulo ng hindi nakikilalang gunman, kahapon ng madaling araw sa Baseco Compound, Port Area, Maynila.
Dead on the spot ang biktima na nakilalang si Joan J. Suazo, 39, ng Cadena de Amor St. Tondo, Maynila base sa nakuhang barangay ID sa kanya ng mga pulis.
Ayon sa imbestigasyon ni P/SSgt Marlon San Pedro, ng Manila Police District-homicide section na dakong alas-4:30 ng madaling araw nang mangyari ang pamamaril sa Bldg. 15-A Baseco Compound Port Area, Maynila.
Sa salaysay ng saksing si Rosalie Aborque, nakarinig siya ng dalawang putok ng baril at nang labasin ay nakita niya ang nakabulagtang biktima sa gilid ng tindahan.
Nalaman na hindi umano kilala sa lugar ang biktima at pinaniniwalaang dayo lamang.
Patuloy naman ang isinasagawang imbestigasyon sa insdente para alamin kung ano ang motibo sa pagpaslang sa biktima.
Dinala ang bangkay sa Archangel Funeral para sa awtopsiya.
- Latest