Drug suspect ayaw paaresto, dedo sa engkuwentro
MANILA, Philippines — Isang drug suspect na number 1 sa drug watchlist at sangkot din sa gunrunning activities ang nasawi matapos makipagbarilan sa mga pulis kahapon ng umaga sa Pasay City.
Nakilala ang nasawing suspect na si Ferdinand Ajido Lerit, ng St., Flires Compound, Brgy. 176, Zone 18, Malibay ng nabanggit na lungsod.
Ayon sa report naganap ang insidente alas-6:00 kahapon ng umaga sa tinitirhan ng suspect sa nabanggit na lugar.
Nabatid na magsisilbi ng warrant of arrest ang mga kagawad ng Pasay City Police, na inisyu ni Pasay City Regional Trial Court Judge Wilhelma B. Jorge-Wagan laban sa suspect dahil sa kaso nitong paglabag sa Republic Act 10591 (Comprehensive Firearms and Ammunition Regulation Act).
Subalit, habang sinisilbi ng mga pulis ang naturang warrant ay naglabas ng baril ang suspect at pinutukan ang mga aaresto sa kanya na mabuti na lamang at hindi tinamaan.
Gumanti ng putok ang mga pulis dahilan upang mapuruhan ang suspect na naging dahilan ng kanyang kamatayan.
Base sa record ng pulisya, number 1 aniya sa drug watchlist ang suspect at bukod rito ay sangkot din ito sa gunrunning.
- Latest