Pagdadawit kay Joy B sa brgy. chair killing, ibinasura ng PNP
MANILA, Philippines — Ibinasura ni PNP chief Gen. Oscar Albayalde ang mga paratang na isina-sangkot si Quezon City Vice Mayor Joy Belmonte sa pagpaslang kay Brgy. Bagong Silangan, Chairwoman Crisell Beltran noong nakalipas na Enero 2019.
“Walang anumang ebidensya ang ating mga imbestigador sa ganitong anggulo,” pahayag ni Albayalde sa isinagawang ambush interview sa Camp Crame.
Idinagdag pa ng PNP chief na malayong mangyaring masangkot si Belmonte sa pagpaslang kay Beltran.
Si Beltran ay dapat sana’y tatakbong kongresista kalaban sina Annie Susano at Precious Castelo sa darating na midterm election sa Mayo.
Ang mga alegasyon laban kay Belmonte ay maituturing umano na election-related.
“They are taking advantage of everything. Alam mo naman na mag-eeleksyon,” dagdag pa ni Albayalde na tumutukoy sa mga kalaban ni VM Belmonte.
- Latest
