Paglaban sa krimen mas paiigtingin-NCRPO chief
MANILA, Philippines — Sa kabila ng survey ng Social Weather Stations (SWS) na nasa 1.8 milyong pamilyang Pinoy ang nabiktima ng mga common crimes nitong nakalipas na anim na buwan, sinabi kahapon ni National Capital Region Police Office (NCRPO) chief Director Guillermo Eleazar na bumaba ang crime rate sa Metro Manila.
Ipinunto ni Eleazar, na sa kabila ng bumaba ang crime rate, inaasahan aniya ang “fluctuations”.
“Ang trend natin ay pagbaba ng krimen. ‘Yun pong pag-fluctuate basically expected po ‘yan”, ani Eleazar
Giniit nito, sa loob ng 30 buwan ng Duterte administration, bumababa aniya sa 54 porsiyento ang crime rate kumpara aniya sa 30-buwan ng Aquino administration.
Ang pahayag ni Eleazar at bunsod sa lumabas na SWS survey, na sa 1.8 million o 7.6 posiyentong pamilyang Pinoy ay nabiktima ng mga common crimes nitong nakaraang anim na buwan.
Ang tinutukoy ditong mga common crimes ay ang pandurukot o robbery of personal property, break-ins, car theft at physical violence.
Tiniyak naman ni Eleazar, na mas lalu pa nilang paiigtingin ang kanilang kampanya kontra kriminalidad lalu na ang giyera kontra droga.
- Latest
