Loose firearms sa Metro Manila, isurender – NCRPO chief

MANILA, Philippines — Ipinasusurender na ni National Capital Region Police Office (NCRPO) Director Guillermo Eleazar sa mga gun owners ang mga loose firearms o mga baril na walang lisensya sa Metro Manila kaugnay ng gaganaping midterm elections sa Mayo ng taong ito.

 “For safekeeping (unlicensed firearms) and we will help them to renew their license and we urged them if they have gun  has expired or unlicensed, they just have to coordinate with the nearest station and we will go to their place to recover for temporary safekeeping. Wala pong kaso hindi natin sila kakasuhan o aarestuhin ng may hawak ng baril na,” pahayag ni Eleazar sa pagdalo nito sa Philippine Military Academy Alumni Homecoming sa Fort del Pilar, Baguio City kahapon.

Kaugnay nito, na nanatili ang kaniyang instruksyon upang paigtingin pa ang ‘Oplan Katok Operation’  kaugnay ng determinadong crackdown laban sa loose firearms o mga baril na walang lisensya.

Sinabi ni Eleazar na nasa maayos na kondisyon pa ang peace and order sa 17 lungsod at isang munisipalidad sa Metro Manila kaugnay ng gaganaping May polls.

 “Tuloy-tuloy pakikipag-usap natin sa mga kandidato gayundin ang panawagan niya sa mga supporters na magtulungan kasama ang kapulisan na gumawa ng paraan para maiwasan na magkaroon ng karahasan,” anang opisyal.

Binigyang diin ni Eleazar na ang patuloy na pagpapaigting ng checkpoint sa Metro Manila ay naglalayong masawata ang mga kriminal na makapambiktima ng sibilyan.