Re-blocking uli ngayong weekend
Trapik asahan na
MANILA, Philippines — Isasara ang ilang mga kalye sa Kalakhang Maynila bunsod nang isasagawang road re-blocking project ng Department of Public Works and Highways (DPWH), na sinimulan kagabi at matatapos ng umaga ng Lunes.
Sa abiso kahapon ng Metropolitan Manila Development Authority (MMDA), simula alas-11:00 kagabi (Biyernes) ay isinara ang Southbound ng C-5 Road after Lanuza Avenue, Bagong Ilog flyover, C-5 Road harap ng SM Aura, EDSA Lagarian Creek bago ng Ermin Garcia (2nd innermost lane)
Sa Northbound ay ang Fairview Avenue, Atherton hanggang Regalado Avenue North (1st lane from center island), panulukan ng EDSA at Congressional Avenue Extension (2nd lane from sidewalk), R. Magsaysay Boulevard (patungong Cubao) R. Magsaysay Bridge- Pureza St.
Magsasagawa rin ng restoration at concreting works ang Maynilad sa panulukan Commonwealth Avenue at Litex.
Ang naturang mga lugar ay magiging passable sa mga motorista sa Lunes, alas-5:00 ng umaga.
- Latest