Brgy. chairman, patay sa ambush
MANILA, Philippines — Patay ang isang barangay chairman matapos pagbabarilin ng riding in tandem habang nakatayo sa harapan ng barangay hall sa panulukan ng Hermosa at Pilar St. sa Tondo, Maynila.
Dead-on-Arrival sa ospital ng Tondo, ang biktimang si Marcelino Ortega, 42 at chairman ng Barangay 199, Zone 18 dahil sa tama ng bala sa ulo at dibdib.
Ayon sa imbestigasyon ni SPO2 Joseph Kabigting ng Manila Police District-homicide section(MPD-hs), dakong alas-2:58 ng hapon nang maganap ang insidente sa nabanggit na lugar.
Nasa harap umano ng barangay hall ang biktima nang biglang dumating ang suspek na tandem at kaagad itong binaril.
Inaalam pa kung may kinalaman sa illegal na droga o sa kanyang trabaho bilang Punong Barangay ang motibo ng pagpaslang sa biktima.
- Latest