Obrero hulog mula 5th floor, lasog

MANILA, Philippines — Isang obrero ang nasawi nang aksidente itong mahulog mula sa ikalimang palapag nang pinipinturahan  nitong gusali sa Parañaque City, kamakalawa ng hapon.

Hindi na umabot pang buhay makaraang isugod pa sa pagamutan ang biktimang si Armado Lawagan, 35, stay-in worker  sa Dela Cruz Compound, Brgy.  San Isidro  ng nabanggit na lungsod.

Lumalabas sa report ng Parañaque City, naganap ang insidente alas-2:20 ng hapon sa pinagtatrabahuang gusali  ng biktima sa nabanggit na lugar habang nagpi­pinta ito sa ikalimang palapag ng ginagawang gusali nang aksidenteng mahulog.

Inaalam na ng pulisya kung may paglabag sa safety measure ang may-ari ng gusali.