Bahagi ng North Avenue, isasara ng MMDA
Matinding trapik asahan
MANILA, Philippines — Matinding trapik na naman ang mararanasan ng mga motorista, dahil ngayong araw na ito (Martes) ay isasara ng Metropolitan Manila Development Authority (MMDA) ang bahagi ng North Avenue sa Quezon City.
Sa press briefing kahapon sa tanggapan ng MMDA, pinayuhan ang mga motoristang bumabagtas ng North Avenue patungong Quezon Memorial Circle, na dumaan na lamang sa mga alternatibong ruta.
Mula North Avenue ay kumanan ng Agham Road, kaliwa ng Quezon Avenue hanggang Quezon Memorial Circle at destinasyon.
“We want to address the chokepoint area on the Elliptical Road with this road closure,” ani MMDA General Manager Jojo Garcia.
Ayon sa MMDA Traffic Engineering Center, nasa 8,728 sasakyang bumabagtas sa Elliptical Road-Quezon Memorial Circle, samantalang 1,419 behikulo mula North Avenue hanggang Quezon Memorial Circle tuwing morning rush hour.
Sabi pa ni Garcia na ang dry run para sa yellow lane policy sa Elliptical Road ay tuloy ngayong linggo.
“Starting Monday, we will start apprehending violators through the no contact apprehension policy,” ani Garcia. Please stay-in-your-lane while driving along Elliptical Road. A major cause of traffic congestion in the area is motorists swerving, criss-crossing or making a sudden change of lane that create a chain reaction,” ani Garcia.
- Latest