Pekeng traffic enforcer, arestado
MANILA, Philippines — Isang lalaking nagpanggap na traffic enforcer ng Metropolitan Manila Deve-lopment Authority (MMDA) ang inaresto habang sini-sita nito ang isang motoris-ta sa Quezon City kahapon ng madaling araw.
Kinilala ni MMDA EDSA Traffic Czar Bong Nebrija ang suspect na si Eddie Baraquel, ng Villa Imelda, Camarin Caloocan City.
Ayon kay Nebrija, alas-4:00 kahapon ng madaling araw nang arestuhin si Baraquel sa may Katipunan Avenue, malapit sa Aurora Flyover, Quezon City.
Nabatid na napansin ng mga tauhan ni Nebrija habang nagmamantina sila ng daloy ng trapiko ay sinita ng suspect ang isang truck driver.
Nagduda ang dalawa dahil iba ang kulay ng uniform ng suspect at nang bigla nitong paalisin ang sinitang motorista.
Nang sitahin ng mga traffic constable, napag-alaman na hindi nila kasamahan ang suspect at isa itong pekeng enforcer.
- Latest
