7 sugatan sa banggaan
MANILA, Philippines — Pito katao ang sugatan matapos sumalpok ang sinasakyan nilang multicab sa isang kotse, kahapon ng umaga sa Pasay City.
Nilalapatan ng lunas sa isang ospital ang mga biktima kabilang ang driver ng multicab (TYG-528) na si Salvador Santiago Esguerra.
Lumalabas sa report na natanggap ng hepe ng Pasay City Police na si Sr. Supt. Noel Flores, naganap ang insidente alas-5:45 kahapon ng umaga sa panulukan ng Gil Puyat at Macapagal Avenue ng naturang siyudad.
Nabatid na minamaneho ni Esguerra ang nasabing multicab at pasahero nito ang anim na biktima at habang binabagtas ang naturang lugar mula east hanggang west direction nang makabanggaan nito ang isang Honda Jazz na may conduction sticker DQ-6564 na minamaneho naman ni Joselito Lustre Eguia.
Iniimbestigahan pa ng mga awtoridad ang naturang aksidente.
- Latest