Street sweeper, patay sa sakal ng ka-live-in
MANILA, Philippines — Utas ang isang 39-anyos na street sweeper nang sakalin dahil umano sa selos ng kinakasama sa kainitan ng kanilang pagtatalo sa Sta. Cruz, Maynila, kamakalawa ng gabi.
Hindi na umabot ng buhay sa Jose Reyes Memorial Medical Center (JRMMC) ang biktimang si Rosalyn Solia, habang pinaghahanap pa ng mga awtoridad ang ka-live-in nitong si Marlon Felizarta Matura, kapwa residente ng Rizal Avenue, Sta.Cruz, Maynila.
Sa ulat ni SPO3 Richard Escarlan ng Manila Police District-Homicide Section, dakong alas-6:45 ng gabi nang maganap ang nasabing insidente sa loob ng bahay ng mag live-in sa Sta. Cruz, Maynila.
Matapos ang insidente, mabilis na tumakas si Felizarta, habang isinugod naman sa nasabing pagamutan ang biktima na idineklarang patay.
Selos ang sinasabing dahilan ng pag-aaway ng biktima at suspek ayon sa mga kapitbahay.
- Latest