Quezon City Science High School, binulabog ng bomb threat

MANILA, Philippines — Nabulabog ang klase ng mga mag -aaral sa Quezon City Science High School kahapon ng umaga dahil sa isang  bomb threat.

Sinabi ni Edna Bañaga, principal ng paaralan, alas-7 ng umaga nang makita ng isa nilang estudyante ang  liham na nakapaskil sa comfort room ng mga babae na may nakasulat na  ‘may bombang sasabog sa lugar’.

Bunga nito, agad namang ipinagbigay alam ng mag- aaral sa principal ang impormasyon kaya’t agad nagpatawag ng pulis

Kasabay  nito,  isa-isa namang pinalabas ng principal mula sa kanilang silid-aralan ang mga mag-aaral para makaiwas sa anumang epektong dulot ng bantang pagpapasabog.

Nang dumating ang QC  Police District bomb squad sa lugar at matapos ang pagsusuri sa mga silid ng paaralan ay wala naman ang mga itong nakitang bomba

Matapos ang masusing pag-inspeksyon idineklarang negative ang bomba kaya’t agad na pinabalik ang mga mag- aaral sa kani-kanilang silid aralan pasado alas-8 ng umaga kahapon at nagpatuloy ang kanilang mga klase.