Trader tinodas ng tandem

MANILA, Philippines — Patay ang isang ne­gosyanteng Chinese nang barilin sa ulo ng riding-in-tandem sa loob ng kanyang gro­cery malapit sa Aranque Market sa Sta. Cruz, May­nila.

Agad binawian ng buhay ang biktimang si Jimy Huen-Hong na nagtamo ng isang tama ng bala ng kalibre 45 sa ulo.

Ayon sa imbestigas­yon, isa sa mga suspect na nakamaskara ang dumiretso sa counter at nang makita si Hong  ay walang sabi-sabing pinaputukan ito sa ulo mag-a-alas sais no­ong Lu­nes ng hapon.

Matapos ang pamamaril ay mabilis tuma­kas ang suspek.

Patuloy pang iniim­bestigahan ng MPD-Homicide Section  ang motibo sa pagpatay sa biktima.