‘Tulak’ bulagta sa drug-bust
MANILA, Philippines — Bulagta ang isang ‘tulak’ ng iligal na droga na naglulungga sa loob ng Manila North Cemetery nang manlaban sa isinagawang buy-bust operation sa Sta. Cruz, Maynila, kamakalawa ng hapon.
Kinilala ang nasawi na si Christian Edosora, alyas Tol, 25, residente ng P. Algue St., Tondo.
Sa ulat ng Manila Police District-Station 3, alas-3:45 ng hapon nang maganap ang insidente sa 9tt St., Manila North Cemetery.
Sa pangunguna ni Senior Inspector Edison Ouano, hepe ng Station Drug Enforcement Team ng MPD-Station3, sina-lakay ang lungga ni alyas Tol dahil sa impormasyon na patuloy pa ang pagbebenta nito ng shabu sa loob ng sementeryo.
Nagawa pang makabili ng poseur-buyer subalit nakahalata ang suspek na pulis ang kaharap at mistulang sume-senyas sa mga kasamahan kaya nagtangkang tumakas sabay ng pagpapaputok ng baril sa kaharap.
Hindi naman tinamaan ang poseur-buyer na agad nakaganti ng putok na ikina-handusay ng suspek.
Naisugod pa sa pagamutan ang suspek na idineklarang dead-on-arrival.
- Latest