Negosyante dedo sa tandem
MANILA, Philippines — Patay ang isang negosyante nang pagbabarilin ito ng riding in tandem sa Pasay City, kamakalawa.
Dead on the spot sanhi ng tama ng bala sa dibdib buhat sa hindi pa batid na kalibre ng baril ang biktimang si Victorio Pascual, 45, ng Reyes St., ng naturang lungsod.
Ayon sa report, naganap ang insidente alas-2:15 ng hapon sa harapan ng Starbucks Coffee sa Macapagal Avenue, Pasay City.
Nakatayo ang biktima nang dumating ang isang motorsiklong lulan ang tandem na suspect, isa mga ito ang bumunot ng baril at pinutukan ang biktima na naging sanhi ng agaran nitong kamatayan.
Mabilis namang tumakas ang mga salarin.
Patuloy pa rin ang isinasagawang imbestigasyon sa insidente at inaalam kung ano ang posibleng motibo sa krimen.
- Latest