MMDA hihirit kay Digong sa traffic reduction measure
MANILA, Philippines — Nakatakdang makipagkita ang pamunuan Metropolitan Manila Development Authority (MMDA) kay Pangulong Rodrigo Duterte para talakayin ang traffic reduction measure ng ahensya kabilang ang sinuspindeng ban on driver only vehicles sa EDSA.
Ayon kay MMDA Chairman Danilo Lim na humiling na siya ng audience sa Pangulo para pag-usapan ang lahat ng comprehensive plan at hindi lang ang tungkol sa high occupancy vehicle policy sa EDSA.
Ang pahayag ni Lim ay ginawa ilang araw matapos ang isinagawang suspensyon sa pagpapatupad sa HOV policy sa EDSA matapos ang Senate resolution na naggigiit sa pagpapatigil nito.
Dapat ngayon ang pormal na pagpapatupad nito na hindi na nga natuloy.
Paliwanag ni Lim na may matinding pangangailangan sa pagpapatupad ng traffic reduction measures lalo na sa kahabaan ng EDSA dahil sa nakatakdang mga repair sa Estrella-Pantaleon Bridge na nagkokonekta sa Makati at Mandaluyong.
Sa layunin nga na mabawasan ang sasakyan sa EDSA kaya ipinatupad na rin ang ban sa provincial buses lalo na sa rush hours.
- Latest
