Pacquiao dedma sa tsismis
MANILA, Philippines — Sa kabila ng alingasngas kaugnay sa posibleng pagkakansela sa kanilang laban ni Lucas Matthysse ay iginiit pa rin ni Manny Pacquiao na walang problema sa kanilang championship fight.
Sa pamamagitan ng kanyang information officer na si Aquiles Zonio, tiniyak ng Filipino world eight-division champion na tuloy ang upakan nila ni Matthysse sa Hulyo 15 sa 15,000-seater na Axiata Arena sa Kuala Lumpur, Malaysia.
“The fight will proceed as scheduled. Nothing can stop that. I am training hard for the fight and I never allow any distraction to destroy my focus,” ani Pacquiao.
Kamakailan ay sinabi ni Bob Arum ng Top Rank Promotions na nalaman niyang hindi pa naibibigay ng MP Promotions ni Pacquiao ang kulang na $2 milyon na ilalagay sa escrow account para sa laban nila ni Matthysse, nasa ilalim ng Golden Boy Promotions ni Oscar De La Hoya.
Hindi rin nakakabayad sa deadline ang MP Promotions para sa produksyon at iba pang gastusin sa unang promosyon ng Senador.
“I’m trying my best with the help of God to make this fight a success. I also pray for my detractors that God may enlighten their minds and soften their hearts,” sabi ni Pacquiao.
- Latest
