Dalagang ‘tulak’ ng high school students, arestado
MANILA, Philippines — Inaresto ng pulisya ang isang 18-anyos na dalagang ‘tulak’ na nagbebenta ng droga sa mga high school student sa isang paaralan sa Taguig City, kamakalawa ng gabi.
Kinilala ng hepe ng Taguig City Police na si Sr. Supt. Alexander Santos ang suspect na isang Princess Cordova.
Ayon kay Santos, naaresto ang suspect alas-8:00 kamakalawa ng gabi sa ikinasang anti-criminality operation ng kanyang mga tauhan sa J. Ramos St., Brgy. Tipas ng naturang siyudad.
Nabatid na pawang mga estudyante ng Tipas High School ang parokyano ng suspect kung saan ibinebenta umano nito sa hala-gang P800 ang kada sachet ng pinatuyong dahon ng marijuana.
Nakumpiska ng mga pulis mula sa suspect ang nasa 180 plastic sachet ng marijuana na may street value na P18,000.00.
Sabi ni Southern Police District (SPD), director, Chief Supt. Tomas Apolinario Jr., dapat din aniyang magpatupad ng programa kontra droga ang pamunuan ng mga paaralan, tulad ng random inspection sa mga estud-yante.
- Latest
