Pulis-Makati iisyuhan ng body cam ni Mayor Binay
MANILA, Philippines — Para sa transparency at monitoring, mag-iisyu ng body cameras sa mga pulis ang pamahalaang lungsod ng Makati.
Kahapon ay nai-turn-over ng pamahalaang lungsod ng Makati ang 22 brand new patrol vehicles sa Makati City Police.
Ayon kay Makati City Mayor Abigail Binay, nag-donate ang pamahalaang lungsod ng mga bagong patrol para higit na paigtingin ang police visibility kontra sa kriminalidad.
Nasa 18 units ng Mitsubishi Strada at 4 na units ng Toyota Avanza ay ipinamahagi ng Makati City government na mainit namang tinanggap ng pamunuan ng Makati City Police sa pamamuno ng hepe nito na si Police Sr. Supt. Rogelio Simon.
Sabi ni Binay, mag-iisyu din aniya ng body cameras ang pamahalaang lungsod sa mga kapulisan para aniya sa monitoring at transparency. Bukod sa body cameras, magbibigay din sila ng mga motorsiklo para magamit naman sa mga iskinita.
Hindi naman nabanggit kung ilang body cameras at motorsiklo ang nakatakdang ibigay ng Makati City government.
- Latest