2 Japanese trader, hinoldap ng ‘pulis’
MANILA, Philippines — Dalawang magkaibigang Japanese trader ang dumulog sa himpilan ng pulisya at inireklamo ang ginawang panghoholdap sa kanila ng tatlong di kilalang lalaki, na kinabibilangan na isa na nagpapakilalang umano’y pulis sa Brgy. Balara, Quezon City kamakalawa ng gabi.
Batay sa reklamo ng mga biktimang sina Shoi-chi Ichimiya, 49, at Morita Shuyu, 53, kapwa pansamantalang naninirahan sa V. Hotel, sa Malate, Manila dakong alas-8:00 ng gabi nang maganap ang panghoholdap sa kanila sa Commonwealth, kanto ng Villa Beatriz sa Brgy. Balara.
Sa imbestigasyon ni PO3 Bronzon Saggot, imbestigador ng Theft and Robbery Section ng Quezon City Police District (QCPD) Batasan Police Station 6, lumilitaw na bago ang panghoholdap ay sinundo ang mga biktima sa kanilang hotel sa Maynila ng isang nagpakilalang Simon Marcos, at ng di-kilalang driver lulan ng isang sasakyan.
Nagpakilala umano si Marcos na negosyante at sila ay magta-transak-siyon sa Quezon City, kaya naman dahil sa tiwala ay agad na sumama ang magkaibigang Hapon.
Subalit pagdating sa nasabing lugar ay hinarang ang kanilang sasakyan ng isang lalaking nagpakilalang pulis.
Agad na pinababa sa sasakyan ang dalawang Hapon at pinaiwan ang dala nilang travelling bag at mga dalang gamit, saka suma-kay ang nagpakilalang pulis at mabilis na pinaharurot ang dala nilang get-away car.
Nabatid na ang travelling bag ng mga biktima ay naglalaman ng P40 milyong cash; 30,000,000 yen; wallet na naglalaman ng P40,000; dalawang cellphone at Nike backpack.
- Latest