Midyear bonus sa Maynila, ibibigay na!
MANILA, Philippines — Inutos ni Manila Mayor Joseph Estrada ang pamamahagi ng mid year bonus ng lahat ng city hall employees alinsunod sa regulasyon ng national government.
Ayon kay Estrada, tiniyak ng city government na maayos ang pondong iririlis at naaayon sa guidelines ng Commission on Audit’s (COA).
Ang mid-year bonus ay katumbas ng isang buwang sahod ng empleyado.
Ani Estrada, sinisiguro niyang maibibigay ang lahat ng benepisyo ng mga empleyado lalo na’t wala ng utang sa tubig at kuryente ang city hall.
Pinagtutuunan ngayon ng pansin ni Estrada ay ang pagsasaayos ng Maynila.
Idinagdag pa ng Alkalde na ang first at second tranche ng sahod ng mga guro, pulis at barangay ay naibigay na rin.
Tiniyak din ni Estrada na tuluy-tuloy ang iba’t ibang programa kabilang ang libreng edukasyon, serbisyong medikal, trabaho at pabahay sa mga mahihirap na Manilenyo.
- Latest
