Shootout: Drug suspect, utas
MANILA, Philippines — Isang drug personality, na dating preso at nasangkot sa ibat-ibang uri ng krimen ang nasawi matapos itong makipagbarilan sa mga pulis kahapon ng madaling araw sa Pasay City.
Dead on arrival sa Pasay City General Hospital (PCGH) ang suspect na si Aries Lumanlan, 21, ng Brgy. 178, Zone 19, Maricaban ng naturang siyudad.
Base sa rekord ng pulisya, dating nakulong sa Pasay City Jail ang suspect dahil sa kasong robbery at droga bukod pa ang kasong rape.
Ayon sa report ng hepe ng Pasay City Police na si Police Sr. Supt. Noel Flores, naganap ang insidente alas-2:30 kahapon ng madaling araw sa Brgy. 179, Zone 19, Maricaban ng naturang siyudad
Ayon kay Flores, nakatanggap ng impormasyon ang Station Drug Enforcement Unit (SDEU), na isang grupo ng mga kalalakihan ang nagsasagawa ng pot session sa loob ng comfort room ng bahay ni Lumanlan.
Dahil dito, agad na nagkasa ng anti-illegal drug operation ang mga pulis laban sa suspect.
Natunugan ng suspect na may paparating na mga alagad ng batas, dahilan upang bumunot ito ng baril at paputukan ang naturang operatiba.
Gumanti ng putok ang mga pulis, na nagresulta upang duguang bumulagta ang suspect.
Narekober ng mga pulis ang ilang plastic sachet ng shabu at drug paraphernalia sa nasawing suspect.
- Latest