Mag-asawang ‘tulak’ tiklo
MANILA, Philippines — Arestado ang mag-asawa na sinasabing ‘tulak’ ng droga sa isinagawang drug buy bust operation ng mga tauhan ng Quezon City, kahapon ng madaling araw.
Kinilala ni Quezon City Police District (QCPD) Director, Police Chief Superintendent Joselito T Esquivel Jr., ang mag-asawa na sina Bobby Menzon, 52 at Loreza Menzon, 47 , kapwa residente ng Camarilla St., Brgy. San Roque, Cubao, Quezon City.
Ang mag-asawa ay nadakip ng grupo ni Cubao Police Station (PS-7) PSupt Louise Benjie Tremor and PDEA-NCRO. Bobby Menzon dakong ala-1:30 ng madaling araw.
Nabatid na una nang sumuko sa ‘Oplan Tokhang’ ng QCPD ang mag-asawa at nangakong magbabago na.
Pero namonitor ang mga ito na ipinagpatuloy pa rin ang kanilang pagbebenta ng bawal na gamot kaya sila inaresto. Nakuha sa mag-asawa ang 13 plastic sachet na naglalaman ng droga na nagkakahalaga ng P50,000.
Sa ngayon ay nakakulong ang mag-asawa sa QCPD Station 7 detention cell at nahaharap sa kasong drug pushing.
- Latest