Salpukan ng 2 motorsiklo: 1 dedo
MANILA, Philippines — Patay ang isang babaeng angkas ng motorsiklo habang sugatan naman ang dalawa pang rider nang magkasalupukan ang sinasakyan nilang motorsiklo, kamakalawa ng gabi sa Parañaque City.
Hindi na umabot ng buhay sa Ospital ng Parañaque si Eden Perez, ng Brgy. San Martin De Porres, ng nasa-bing lungsod. Isinugod rin sa pagamutan sina Jayson Gredoña, ng Brgy. San Martin De Porres at Romeo Badil, residente rin ng naturang lugar.
Sa ulat ng pulisya, dakong alas-11 ng gabi nang maganap ang insidente sa Ninoy Aquino Avenue sa nabanggit na barangay. Minamaneho ni Gredoña ang isang scooter at angkas si Perez nang makabundulan ang isang motorsiklo na minamaneho naman ni Badil.
Parehong hindi umano nagmenor ang dalawang motorsiklo nang sumapit sa isang interseksyon hanggang sa magkasalpukan.
Dito tumilapon ang scoo-ter na angkas si Perez at nabagok ang ulo sa kalsada dahilan ng kanyang pagkasawi. Nasa kritikal na kundisyon naman si Badil habang nagtamo rin ng pinsala sa katawan si Gredoña.
- Latest
