2 itinumba ng riding- in-tandem sa Caloocan
MANILA, Philippines — Patay ang dalawang lalaki nang kapwa barilin ng mga hindi nakilalang salarin na lulan ng motorsiklo sa magkasunod na insidente sa Brgy. Bagong Silang sa Caloocan City, kahapon ng madaling araw.
Nakilala ang mga nasawi na sina Marlon Valiza, alyas Bay, 30, tricycle driver at residente ng Phase 9 Package 5, ng nasabing barangay at ang 17-anyos na si John Paul Dagohoy, residente naman ng Phase 2 Block 50 Lot 15, ng naturang barangay.
Sa ulat ng Caloocan City Police-North Extension Office, naghihintay ng pasahero sa may Phase 9 Block 3 Maharlika Dulo, Bagong Silang si Valiza dakong alas-12:15 ng madaling araw nang lapitan siya ng dalawang lalaking salarin at biglang barilin nang malapitan sa ulo. Natagalan naman bago marespondehan ng mga pulis ang insidente at wala nang buhay nang abutan ang biktima habang tuluyang nakatakas ang mga salarin na magkaangkas sa isang motorsiklo.
Dakong alas-12 ng ha-ting gabi naman nang limang beses na barilin si Dagohoy ng dalawang hindi nakilalang salarin na lulan din ng motorsiklo habang nakaistambay ang biktima sa tapat ng bahay ng kanyang tiyahin sa nasa-bing barangay.
Naisugod ang biktima sa Dr. Jose N. Rodriguez Memorial Hospital ngunit nalagutan rin ng buhay dakong alas-12:23 ng mada-ling araw.
Blangko pa naman ang pulisya sa tunay na motibo sa parehong insidente ng pagsalakay ng riding-in-tandem na patuloy pang iniimbestigahan.
- Latest
