LRT-1, apat na araw na hindi bibiyahe
MANILA, Philippines — Apat na araw na hindi bibi-yahe ang Light Rail Transit Line 1 (LRT-1) para bigyang daan ang paggunita ng Mahal na Araw.
Ayon sa pamunuan ng LRT-1 magpapatupad sila ang ‘li-mit operations’ ngayong Holy Week, at sasamantalahin ang pagkakataon para magsagawa ng maintenance work sa riles at mga bagon.
Sa advisory ng Light Rail Manila Corporation (LRMC), simula sa March 29, o Holy Thursday, hanggang sa April 1 o Easter Sunday ay hindi bibiyahe ang LRT-1.
“The suspension of operation on the said dates will give way for comprehensive maintenance on the LRT-1” ayon sa LRMC.
Muling magbabalik sa normal operations sa April 2, araw ng Lunes ang biyahe ng LRT-1
Maging ang Metro Rail Transit Line 3 (MRT-3) ay apat na araw ding walang biyahe, simula sa Marso 28 (Huwebes Santo) hanggang Abril 1 (Linggo ng Pagkabuhay).
Ayon sa DOTr, sasaman-talahin nila ang naturang pagkakataon para maisagawa ang kanilang taunang maintenance activities para matiyak na maayos at ligtas na ibiyahe ang kanilang mga tren.
Ang LRT-1 ay bumibiyahe mula sa Roosevelt Avenue, Quezon City patungo ng Baclaran Parañaque at vice versa, habang ang MRT-3, ay bumibiyahe sa kahabaan ng Epifanio delos Santos Avenue (EDSA), ang siyang nag-uugnay sa Taft Avenue, Pasay City at North Avenue, Quezon City.
- Latest
