Motor sumalpok sa poste, backrider tepok
Mer Layson (Pilipino Star Ngayon) - January 3, 2018 - 12:00am

MANILA, Philippines — Nalagutan na ng hininga ang angkas bago pa man dumating sa pagamutan habang malubhang nasugatan naman ang nagmamaneho ng motor matapos silang bumangga sa isang Meralco sa Quezon City, kahapon ng madaling araw.

Kinilala ang nasawing biktima na si Lluven Ballasteros, 24, habang sugatan naman ang driver na si Cedric John Recson, 21 na pawang residente ng Quintos St., Sampaloc, Maynila.

Sa imbestigasyon ni PO1 Wagner Alquisio ng Quezon City Traffic sector 4, naganap ang aksidente dakong alas-4:40 ng madaling araw sa N. Domingo St., Bgry. Kaunlaran, Cubao Quezon City.

Ayon sa report, mabilis ang takbo ng sinasakyang motor­siklo ng dalawa habang binabagtas ang kahabaan ng N. Do­mingo nang sumampa sa gutter at sumalpok sa poste ng Meralco.

Sa tindi ng pagkakabangga ay tumilapon ang dalawa at bumagsak una ang ulo sa kalsada.

Nagawa pang maisugod sa East Avenue Medical Center Hospital ang dalawa pero nalagutan ng hininga si Ballasteros­ dahil sa matinding pinsala sa kanyang ulo dahil walang suot na helmet noong maganap ang aksidente. Sa inisyal na imbestigasyon, sinasabing nakainom ng alak ang dalawa noong maganap ang aksidente.  

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with