Furniture shop, tinupok ng apoy
Mer Layson (Pilipino Star Ngayon) - December 7, 2017 - 4:00pm

MANILA, Philippines — Isang furniture shop ang tinupok ng apoy sa Brgy. Fairview, Quezon City, kamaka-lawa ng gabi  at hinihinalang may nagsiga na hindi napa­tay ng maayos na ginaga­mit sa pagpapausok sa mga lamok ang naging sanhi nito.

Ayon kay Fire Insp. Ro­sendo Cabillan, ng Quezon City Fire District, dakong alas-10:00 ng gabi nang su­miklab ang sunog sa naturang furniture shop na matatag­puan sa Regalado Avenue, sa Brgy. Fairview, at kaagad na itinaas sa unang alarma.

Mabilis namang nakontrol ang sunog matapos ang 23-minuto at naideklarang fireout dakong alas-11:10 ng gabi. Nadamay umano sa sunog ang likurang bahagi ng isang L-300 van na nakaparada sa loob ng compound.

Ayon kay Cabillan, tini­tingnan nilang posibleng sanhi ng sunog ay ang siga na hindi napatay ng maayos, ngunit kinukumpirma pa ito.

Aniya, nakakalap sila ng impormasyon na may mga nagsisiga o nagpapausok sa lugar na pinangyarihan ng sunog dahil marami umanong lamok doon.

Tinatayang nasa P50,000 ang halaga ng mga ari-ariang natupok sa sunog.

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with