Jeepney modernization program, hindi anti-poor – DOTr
Mer Layson (Pilipino Star Ngayon) - December 6, 2017 - 4:00pm

MANILA, Philippines — Muling nanindigan ang pamunuan ng Department of Transportation (DOTr) na hindi anti-poor ang isinusulong na Public Utility Vehicle Moder­nization Program (PUVMP) ng pamahalaan.

Ayon kay DOTr Sec. Arthur Tugade, ang PUVMP program ay mag-aangat sa buhay ng mga naghihikahos na driver ng mga pampasaherong jeepney at iba pang transport sector sa bansa.

Sinabi ni Tugade, magka­roon sana ng mas malawak na pananaw ang mga komu­kontra sa programa partikular ang grupo ni George San Mateo ng Pinagkaisang Samahan ng Tsuper at Ope­rator Nationwide (PISTON).

Anang kalihim, panahon­ na para magkaroon ng  pagbabago tungo sa magandang buhay ng mga lihiti­mong jeepney driver at ope­rator na matagal ng napagka­itan sa modernong sasak­yan kaya sila nananatiling ‘salat at hikahos sa buhay’. 

“Gumagawa tayo ng pa­mamaraan na kung saan yung jeepney ay magiging compliant sa mga specifica­tion na gusto natin sa program upang ang paghaha­nap-buhay ay kakambalan natin ng responsibilidad sa kapaligiran. Maghanap-buhay ka pero ‘wag mong patayin ‘yung environment. Mag­ha­nap-buhay ka pero panga­lagaan mo ang henerasyon na darating,” sabi pa ni Tu­gade.

Sa ilalim ng PUVMP pro­gram ay binibigyan ng pagka­kataon ang mga may luma at kakarag-karag ng pampasaherong jeep na maka-avail ng  financial assistance o utang sa ilalim ng government subsidy. 

Maging ang Pangulong Rodrigo Duterte ay una nang nanindigan na isusulong niya ang programa para sa kapakanan ng mas nakararami na pabor at nani­niwalang gaganda ang ka­­­nilang buhay. Anang Pa­ngulo, hindi mapipigilan ng tigil-pasada ang jeepney mo­­dernization program.

Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with