Illegal vendors sa paligid ng Quinta Market, itinaboy
MANILA, Philippines — Alinsunod sa kanyang pangako sa mga lehitimong stallholders sa Quinta Market sa Quiapo, pinalinis ni Manila Mayor Joseph Estrada sa Task Force Manila Clean up ang paligid ng palengke mula sa daan-daang illegal vendors.
Ayon kay Estrada, kailangan nilang gawin ito dahil na rin sa reklamo ng mga lehitimong stallholders ng Quinta at paglilinis at lugar mula sa mga iligal na vendors sa labas.
Aniya, inatasan na niya si Task Force Manila Clean up chief Che Borromeo na bantayang mabuti ang lugar upang hindi na makabalik ang mga illegal vendors.
Bagama’t naiintindihan din niya na kailangan na kumita ng mga illegal vendors mas nangingibabaw umano ang pagpapatupad ng batas.
Una nang nagreklamo sa City Hall ang Quinta Market Stallholders Association Cooperative Development na binubuo ng 289 stallholders sa Quinta Market. Anila, mas malakas pa ang benta ng mga illegal vendors na humaharang sa mga mamimili bago pa man makapasok sa loob ng palengke.
Samantala, ang pagpapagawa naman ng ferry terminal ay joint effort ng pamahalaang lungsod at ng Philippine Ports Authority (PPA) na una nang nagplano na buhaying muli ang passenger ferry service sa Pasig River.
- Latest