MPD nagsagawa ng seminar sa pagbabalik ng ‘Tokhang 2’
MANILA, Philippines - Nagsagawa na kahapon ang Manila Police District headquarters sa United Nations Avenue, Ermita, Maynila ng isang araw na seminar kaugnay sa pagba-balik ng ‘‘Oplan Tokhang’’ kung saan mga piling drug enforcers lamang ang itinalaga.
Sa pangunguna ni MPD director P/Chief Supt. Joel Napoleon Coronel, sisiguruhin na ang mga miyembro ng bagong tatag na drug enforcement unit mula sa MPD headquarters at 11 district stations ay pawang nagtataglay ng integridad, kakayahan, disiplina at sapat na kaalaman sa pagpapatupad ng batas kaugnay sa Republic Act 9165 at kautusan ni PNP Chief, General Ronald “Bato” Dela Rosa.
May kabuuang 120 drug enforcement personnel ang sumalang sa seminar.
Magkakatuwang ang bi-nuong unit ang mga kinata-wan ng City Prosecutor’s Office, Philippine Drugs Enforcement Agency, Dangerous Drugs Board, Commission on Human Rights-National Capital Region at ang Crime Laboratory, para matiyak na naayon sa batas ang bawat proseso ng pag-aresto.
Umiiwas umano ang PNP na maging sentro ng kritisismo at mga pagbatikos sa mga naganap na proseso ng war on drugs na ipinatupad partikular ang kontrobersiyal na ‘‘Oplan Tokhang’’ na ipinatigil ni Pangulong Rodrigo Duterte.
- Latest
