Obrero itinumba sa Caloocan
MANILA, Philippines - Binaril at napatay ng anim na naka-bonnet ang isang obrero sa Ca-loocan City, Miyerkules ng umaga.
Nakilala ang napaslang na si Achilis Tabili, alyas Atoy, 41, ng Phase 3 Package 2 Block 45 Lot 17 Brgy. 176 Bagong Silang, ng naturang lungsod.
Agad na nagsitakas ang anim na salarin na magkakaangkas sa tatlong motorsiklo at pawang nakasuot ng face masks, helmet.
Sa inisyal na ulat ng pulisya, abala sa pagtatrabaho ang biktima, dakong alas-10:15 ng umaga nang biglang dumating ang mga salarin at paulanan ito ng bala.
Narekober sa lugar ng krimen ang 12 cartridge ng bala ng calibre .45 baril. Nabatid naman sa purok leader ng lugar na kilalang sangkot umano sa iligal na droga ang biktima na biniberepika pa ng mga otoridad.
- Latest