Bading kinatay
MANILA, Philippines – Isang transgender o bakla ang hinihinalang pinatay sa saksak ng kanyang live-in partner at inilagay sa maleta hanggang sa itinapon kahapon sa Pasay City.
Kinilala ang biktimang si Robert William Del Rosario Reilly at may pangalan ding John Leo Tababa, 23, na nagtamo ito ng saksak sa leeg.
Nasa custody na ng pulisya ang suspect na si Jayson Santos Lee, may sapat na gulang. Pero sa kanyang passport ay Tsai Che Yu ang gamit na pangalan.
Ayon sa inisyal na report na natanggap ni Sr. Supt. Joel B. Doria, hepe ng Pasay City Police, naganap ang insidente alas-4:00 kahapon ng madaling-araw sa Unit 1154,Tower D, Shell Residences, EDSA Extension, Brgy. 76 ng naturang siyudad.
Nagro-roving sa 11th floor ng naturang condominium ang OIC na si Noli Manlolo nang mapansin niyang bahagyang bukas ang pinto ng naturang unit kaya kaagad nitong inalam at ilang beses itong tumawag kung may tao sa loob.
Subalit walang sumasagot sa tawag ni Manlolo kaya pumasok na ito sa loob at nagulantang siya nang ma-kita niya ang mga dugo sa naturang unit.
Dahil dito, agad nitong ipinagbigay alam sa management ng naturang condominium at mga awtoridad.
Base sa kuha ng CCTV camera ng na-turang condominium, alas-9:28 ng gabi ay puma-sok sa naturang unit ang tenant na si Lee at kasama nito ang biktima.
Alas-10:58 ng gabi ng nasabi ring petsa ay lumabas ang dalawa at muling bumalik ang mga ito ng unit na kanilang inuukupahan ng alas-11:40 ng gabi.
Alas-12:54 ng madaling araw, nagsimula nang mag-impake si Lee at habang paalis ito ay halos hindi nito makayanang buhatin ang kanyang mga luggage bags at hindi na nito kasama si Tababa.
Kahapon ng alas-9:30 ng umaga natagpuan ang bangkay ng biktima sa isang male-ta sa Coastal area, CAVITEX Bacoor City.
- Latest