^

Re-routing sa Maynila ngayong Araw ng Kalayaan

Ludy Bermudo (Pilipino Star Ngayon) - June 12, 2014 - 12:00am

MANILA, Philippines - Sinimulan na kahapon ang pagpapatupad ng re-routing at pagsasara ng ilang kalye sa Maynila para sa selebrasyon ng Independence Day sa Luneta Park, ngayon.

Nabatid na alas-8:00 ng umaga kahapon nang isara sa mga motorista ang South drive lane ng Roxas Blvd. na tatagal hanggang ngayong (Hunyo 12)  alas-6:00 ng gabi.

Sinabi ng Manila Police Traffic Enforcement Unit na bukod sa isinarang kalsada  lahat ng mga sasakyan mula Roxas Blvd. north-bound lane patungo sa Manila Ocean Park ay kinakailangang kuma­liwa sa Katigbak drive pakanan sa Independence Road patungo sa kanilang destinasyon.

Sarado naman sa mga motorista ang North at South lane ng Roxas Blvd. mula alas- 6:30 ng umaga ngayong araw na ito, gayundin ang kahabaan ng South Drive mula sa Independence Road hanggang Roxas Boulevard.

Lahat naman ng mga motorista na nanggaling sa northern part ng Maynila na balak dumaan sa south-bound lane ng Roxas boulevard ay kinakailangang kumaliwa sa P. Burgos St., kakanan sa TM Kalaw St, kaliwa sa MH Del Pilar at kakanan sa Pres. Quirino Ave patungo sa  kanilang destinasyon.

Sa mga motoristang manggagaling sa Southern part ng Manila na balak dumaan sa northbound lane ng Roxas boulevard ay kinakailangang kumanan sa President Quirino Ave. patungo sa kanilang destinasyon.

Samantala, kasado na rin ng Manila Police District (MPD) sa mga itatalagang kapulisan para  sa magbibigay ng seguridad para sa na­sabing okasyon na taun-taong isina­sagawa sa Luneta.

BURGOS ST. DEL PILAR INDEPENDENCE DAY INDEPENDENCE ROAD KALAW ST LUNETA PARK MANILA OCEAN PARK MANILA POLICE DISTRICT MANILA POLICE TRAFFIC ENFORCEMENT UNIT ROXAS BLVD
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with