Nagkakagusto na sa best friend

Dear Dr Love,

Hindi ko masabi na nagkakagusto na ako sa best friend ko. Kasi baka kapag niligawan ko siya maging malayo na ang loob niya sa akin.

Halos sabay na kami lumaki dahil grade school palang ay magkasama na kami. Madalas magkaklase pero ngayong high school magka-schoolmate lang kami.

Lalo po siyang naging attractive sa akin. Bukod sa pumuti siya, lalo siyang gumanda sa height niya, long hair na rin po siya ngayon.

Bagaman hindi na gaya ng dati ang kulitan namin, kasi pareho na kaming grown up, open pa rin naman ang communication namin. Madalas ay talagang sobrang pagpipigil ang ginagawa ko sa aking feelings. Ayaw ko kasi mawalan ng kaibigan, lalo na ang mawala ang closeness namin.

Paano po kayo ang pinakamabuting gawin ko para manatili ang pagkakaibigan namin at may chance kaya na mag-level up ang samahan namin as lovers?

JJ

Dear JJ,

Mukhang mahalaga sa’yo ang pagkakaibigan, lalo na ang closeness ninyo ng best friend mo. Subukan mong unawain muna kung may posibilidad na pareho kayo ng nararamdaman.

Pwede mong gawin ito sa pamamagitan ng pagbibigay ng subtle na senyales o paglalagay ng mas personal na tanong sa inyong mga usapan. Tingnan kung paano siya tumutugon—kung nagiging mas malapit siya o tila iwas.

Dapat handa ka sa posibilidad na hindi niya suklian ang nararamdaman mo?

Subukan mong palalimin pa ang connection ninyo. Kapag mas naging solid ang inyong bond, mas malalaman mo kung safe na ipahayag ang nararamdaman mo.

DR. LOVE