Nawawalan ng time

Dear Dr. Love,

Hi po, ako po si Net isang S.A. (Student Assistant). Namomoblema po ako sa boyfriend ko. Wala na po akong panahon para sa kanya. Hindi ko alam kung pa’no ko siya isasabay sa pag-aaral at pagdu-duty ko sa office, at may org pa po ako sa school. Mahal ko po siya at ayaw kong magkahiwalay kami na ako ang dahilan.

Dati po, okay pa naman po kami kaso habang tumatagal ang dami na naming away. Nahihirapan ako.

Alam ko naman po na pag-aaral muna ang dapat unahin. Iniisip ko lang din si mama. Tsaka gusto ko magpahinga muna kami at isipin ko muna ang sarili ko. Kaso kapag makikipag-break na ko, roon na nagiging mahina ang kalooban ko.

Sinabi kong hindi ko na siya kailangan, pero ayaw tanggapin ng puso ko. Mahal ko siya. Ang takot ko, baka magkagusto siya sa iba.  Dr. Love, help po.

Net

Dear Net,

Kailangan lang ninyong pag-usapan nang mabuti ang inyong sitwasyon.  Simulan mo rin na ayusin ang schedule mo. Sabi nga sa librong the little prince … the time you spend to your rose that makes your rose so important.

Tiis-tiis lang. Ang tunay na nagmamahal ay makapaghihintay sa tamang panahon. Gawin ninyong inspirasyon ang bawat isa.

DR. LOVE