^

Bansa

GenCorp bigong ideklara P1.049 bilyong kita – witness

Joy Cantos - Pilipino Star Ngayon
GenCorp bigong ideklara P1.049 bilyong kita – witness
The prosecution presents financial forensic analyst Atty. Alexander Cabrera as its next witness in the impeachment trial of Vice President Sara Duterte on Friday.
Ryan Baldemor

MANILA, Philippines —  Nabigo umanong ideklara ng GenCorp Industries Inc. ang mahigit P1.049 bilyong kita sa loob ng apat na taon. Ang GenCorp ang kum­panyang nagpapatakbo ng limang sangay ng Jollibee at isa sa mga negosyong nakasaad sa SALN ni Vice President Sara Duterte.

Ayon kay forensic accounting expert na si Atty. Alexander Cabrera sa impeachment court ng Senado, may average na 87 porsiyentong kakula­ngan sa pag-uulat ng kita ang GenCorp, kung saan 10-13 porsiyento lamang umano ng aktuwal na kita nito ang naidedeklara bawat taon.

“GenCorp po talaga iyong may pinakamala­king underdeclaration — mahigit isang bilyon,” ani Cabrera, habang inihahambing ang kum­panya sa dalawa pang negosyong sinuri sa kanyang imbestigasyon, ang Cale88 Food Corps at Metro Chow.

Tinataya rin niya na aabot sa P212 milyon ang bahaging maiuugnay kay Duterte batay sa konserbatibong pagtatayang mayroon itong 20 porsiyentong exonomic interest sa kumpanya.

Ibinunyag din ng eksperto ang umano’y hindi pagkakatugma ng SALN ni Duterte at ng mga rekord ng GenCorp sa Securities and Exchange Commission (SEC). Bagama’t nakasaad sa SALN na isa siyang stockholder ng kumpanya, hindi umano lumitaw ang kanyang pangalan sa General Information Sheet (GIS) ng GenCorp.

Kinuwestiyon din ni Cabrera ang mga kontratang nakuha ng GenCorp mula sa pamahalaan, kabilang ang P34.22 milyon mula sa Davao City, at sinabing maaari itong magbunsod ng isyu sa conflict of interest kung nakapa­ngalan si Duterte bilang shareholder sa GIS.

Kinuwestiyon din ng eksperto ang idinek­larang kapital ng GenCorp na P1.25 milyon lamang, sa kabila ng pagpapatakbo nito ng limang ­sangay ng Jollibee. Ayon sa kanyang pagtataya, ­mangangailangan ang limang sangay ng pinagsamang puhunan na hindi bababa sa P175 milyon.

SARA DUTERTE

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with