PANOORIN: ‘Kulay’ hindi tinitingnan ni Marcos sa appointment kay ex-DDS vlogger RJ Nieto

MANILA, Philippines — Binigyang-diin ng Malacañang na walang tinitingnang kulay si Pangulong Bongbong Marcos nang tanungin tungkol sa pagtalaga sa dating pro-Duterte vlogger na si RJ Nieto bilang assistant secretary ng Office of the Cabinet Secretary.

"Even before, sinabi po natin na ang pangulo po ay hindi tumitingin sa kulay," ani Palace Press Officer Claire Castro sa press briefing ngayong Miyerkules, Sept. 16.

Ayon kay Castro, hindi nag-aatubili si Marcos na kumuha ng mga taong makakatulong  sa pagpapabuti ng serbisyo sa gobyerno, basta't ang kanilang puso ay nasa taumbayan, "hindi sa isang tao" o sa dating tinataguyod.

"So dapat ang focus ay bansa at taumbayan," dagdag niya.

Si Nieto ang nasa likod ng ngayo'y unpublished na Thinking Pinoy blog, na kanyang sinimulan noong 2015 at ginamit para maglabas ng political commentary.