‘Abogadong walang alam’ipinatanggal ng depensa sa impeachment record
MANILA, Philippines — Ipinatanggal ng defense team sa pamamagitan ni Atty. Shiela Sison sa record ng impeachment court ang pahayag ni private prosecutor Atty. Benjamin “Jay” Tolosa Jr. laban kay Atty. Michael Poa.
Iniharap ng prosekusyon si Poa sa ika-21 araw ng impeachment trial bilang hostile witness.
“The Vice President chose him (Atty. Michael Poa) – the man who knew nothing – to answer the auditors… Hindi ang SDO, hindi ang nag-disburse ng pera, hindi ang tumanggap ng pera, ang abogadong walang alam,” sabi ni Tolosa.
Agad na umapela si Sison na tanggalin ang naturang kataga at iginiit na hindi ito nararapat gamitin sa loob o labas ng korte.
“I don’t think that to include in the offer a statement that said ‘Ang abogadong walang alam’ is proper. Whether here or outside the court, whether we are trying an impeachment case or we’re just talking to one another as to fellow members of the Bar. And I believe I have to ask this court to strike this off the record,” ani Sison.
Ipinaliwanag naman ni Tolosa na wala siyang intensyong insultuhin si Poa, at ang kanyang tinutukoy ay ang paulit-ulit na pahayag ni Poa sa Kamara noong 2024 na wala siyang alam sa paggamit ng confidential funds ng Department of Education.
“If I offended you in any way sir, I’m very sorry for that, that’s not my intention,” pahayag ni Tolosa.
Sa ruling ni Presiding Officer Sen. Francis “Chiz” Escudero, pinatanggal sa record ang katagang “abogadong walang alam” at pinaalalahanan ang mga abogado ng magkabilang panig na umiwas sa paggamit ng ganitong uri ng salita laban sa kapwa abogado.
- Latest
