VP Sara bumiyahe pa-Malaysia

MANILA, Philippines — Bumiyahe si Vice President Sara Duterte patungong Malaysia para sa isang personal trip, kahapon.

Ayon sa Office of the Vice President (OVP), nakatakdang dumalo si Duterte sa pagdiriwang ng Independence Day sa Malaysia at magsasagawa ng ­program consultation kasama ang mga OFWs sa Hunyo 12. 

“Vice President Sara Duterte is ­travelling to Kuala Lumpur, Malaysia on a personal trip with her family,” anang OVP.

“In the course of her visit, she is scheduled to attend the Independence Day celebration and engage in an OVP program consultation with Overseas Filipino Workers (OFWs) on June 12,” dagdag pa ng OVP.

Ang biyahe ng Bise Presidente ay nasabay sa hakbang ng Senado na mag-convene na bilang impeachment court para sa kanyang impeachment trial.

Samantala,wala pang pahayag ang OVP tungkol sa impeachment trial ni Duterte na gaganapin sa Miyerkules, Hunyo 11. 

Magugunita na Lunes ng gabi ay pormal nang nanumpa si Senate President Francis “Chiz” Escudero bilang presiding officer ng impeachment court para sa kaso ni Duterte. 

Kahapon ay pormal na ring nanumpa ang mga senador na tatayong hukom sa impeachment.